نحن مركز أمدرمان نيوز للخدمات الصحفيه صناع المستقبل نسعى دائما لتقدم ما هو افضل للمجتمع بالإضافة إلى تقديم رساله واضحة تحوي المصداقية والامانه ونقوم بتمليك الراي العام الحقائق مجردة، ونسهر من اجل راحه الآخرين.
مواضيع الساعة
قزاز ورزاز … محمد الطيب الامين
سجلت مدينة جبل أولياء أول حالة حرامي من (الجنس اللطيف) .
حيث تسلقت فتاة تبلغ من العمر عشرين عاماً (حيطة الجيران) في تمام الساعة الثالثة والنصف صباحاً وهي تحمل (بطارية) وذلك بغرض (السرقة الليلية) .
سرقة البيوت بالليل لا تعتبر حدثاً جديداً ولكن ما هو جديد أن (تنط) فتاة الحيطة وتشرع في السرقة داخل بيت (مليان رجال) .
هذه تُسمى (قوة عين) مقرونة (بتحدي) ومخلوطة (بقلة أدب) .
النسوان بعد ما شاركونا في (لبس البناطلين والتي شيرتات وشراب السجائر والشيشة) ها هن يشاركننا حتي في (السرقة الليلية) المُحرمة حتى على الرجال .
يعني يا مولانا تاني انت تكون نائم في عز نومك تجي (مُزة) تسرق تلفونك وتسرق أنبوبة الغاز وتسرق (مُوتور) الموية وتبقى مارقة .
تمشي تتقدم ليك لواحدة تلقاها قبل كده سارقة (دهب أمك).
تقبض واحدة نازلة من الحيطة تلقاها خطيبة ود عمك.
عادي خطيبتك تتشلب منك وتجي تسرق شيلتها من بيتكم وتتخارج.
الغريبة البنات زمان بخافن من الحرامية وهسه البعض منهن بقن هن الحرامية ذاتهم .
الواحدة بعد المغرب لو ماشة الدكان إلا تسوق معاها اخوها الصغير.
هسه تخلي اخوانها ينوموا بعد داك تطلع.
وغايتو جنس غايتو ..
